Powered by TheAquaSoft


Search Results: footballer

لیونل میسی زخمی ہو گئے

Published: Sep 29, 2013 Filed under: Latest Beats

ارجنٹائن سے تعلق رکھنے والے فٹبالر لیونل میسی المیریا کے خلاف کھیلے جانے والے ایک میچ کے دوران زخمی ہو گئے۔

سنیچر کو کھیلے جانے والے اس میچ میں ہسپانوی فٹبال کلب بارسلونا نے المیریا کو دو کے مقابلے میں صفر گول سے شکست دی۔

لیونل میس نے میچ کے اکیسویں منٹ میں اپنے کلب کی جانب سے پہلا اور فٹبال لیگ کا آٹھواں گول کیا تاہم وہ آٹھ منٹ کے بعد زخمی ہو کر میدان سے باہر چلے گئے۔

چار بار فیفا کے سال کے بہترین فٹ بال کھلاڑی کا اعزاز جیتنے والے لیونل میسی کے منگل کو ٹیسٹ کیے جائیں گے۔

برازیل کے کھلاڑی ایڈری آنو نے میچ ختم ہونے کے بعد کہا کہ انھیں امید ہے کہ میسی کی چوٹ زیادہ سخت نوعیت کی نہیں اور وہ آنے والے میچوں میں حصہ لیں گے کیونکہ وہ بہت اہم کھلاڑی ہیں۔

یہ ہسپانوی فٹبال کلب بارسلونا کی فٹبال لیگ میں مسلسل ساتویں فتح تھی۔

خیال رہے کہ لیونل میسی جمعہ کو ٹیکس فراڈ کے معاملے میں ایک ہسپانوی عدالت میں پیش ہوئے۔

سپین کی حکومت میسی اور ان کے والد کی جانب سے 40 لاکھ یورو سے زیادہ کے مبینہ فراڈ کی تحقیقات کر رہی ہے۔

حکام کے مطابق 26 سالہ میسی اور ان کے والد جارج ہوریشيو پر سنہ 2007 سے سنہ 2009 کے دوران غلط ٹیکس گوشوارے جمع کروانے کا شبہ ہے۔

لیونل میسی کی جس آمدن پر ہسپانوی حکام کو اعتراض ہے وہ رقم انہیں پیپسی کولا، پراکٹر اینڈ گیمبل، ڈینون اور ایڈیڈاس جیسی کمپنیوں سے کیے جانے والے معاہدوں کے نتیجے میں ملی تھی۔

ایک اندازے کے مطابق بارسلونا کلب میسی کو تنخواہ کے طور پر سالانہ ایک کروڑ ساٹھ لاکھ یورو دیتا ہے اور وہ دنیا میں سب سے زیادہ معاوضہ پانے والے کھلاڑیوں میں سے ایک ہیں۔

اس کے علاوہ میسی نے مختلف اشتہاری کمپنیوں کے ساتھ لاکھوں ڈالر کے معاہدے بھی کر رکھے ہیں اور ایک اندازے کے مطابق ان کی کل سالانہ آمدن کا تخمینہ تقریباً 31 ملین یورو لگایا جاتا ہے۔

میسی نے سنہ 2000 میں تیرہ برس کی عمر میں بارسلونا فٹبال کلب میں شمولیت اختیار کی تھی اور تین برس بعد وہ مرکزی ٹیم کا حصہ بنائے گئے تھے۔

فٹبال کی دنیا کے ماہرین ان کا شمار اس کھیل کے عظیم ترین کھلاڑیوں میں کرتے ہیں تاہم مبینہ ٹیکس چوری کا یہ معاملہ میسی کی اس شبیہ کے لیے نقصان دہ ہے جس کے تحت ان کا شمار عالمی فٹبال میں سب سے انکسار پسند کھلاڑیوں میں ہوتا ہے۔

سپراسٹار فٹ بالر میسی کی ٹیکس فراڈ کیس میں ہسپانوی عدالت میں پیشی

Published: Sep 27, 2013 Filed under: Latest Beats


دنیا میں سب سے زیادہ معاوضہ پانے والے ارجنٹینا کے فٹ بالرلیونل میسی آج کل ٹیکس فراڈ کیس میں عدالتوں کے چکر کاٹ رہے ہیں، اسی سلسلے میں میسی اور ان کے والد آج عدالت کے رو برو پیش ہوئے۔

میسی پرالزام ہے کہ انہوں نے اپنے والد کے ساتھ مل کر 2006سے 2009 تک اپنی تصاویرکے اشتہا ری حقوق مختلف کمپنیوں کو فروخت کیے مگر ان پرغلط ٹیکس گوشوارے جمع کرائے۔ میسی اور ان کے والدآج عدالت میں پیش بھی پیش ہو ئے جس کے دوران  عدالت  میں ان دونوں سے جرح کی گئی ۔

واضح رہے کہ اسپین کی حکومت 26 سالہ فٹ بالر اور ان کےوالد کے خلاف ٹیکس چوری کیس کی تحقیقات کر رہی ہے تاہم 4بارفیفا کے سال کے بہترین فٹ بالر کا اعزاز جیتنے والے لیونل میسی اور ان کے والد ان الزامات سے انکار کرتے ہیں، ہسپانوی قانون کے مطابق  اگر میسی کے خلاف فراڈ کیس کا الزام ثابت ہو جاتا ہے تو انہیں قید کی سزا بھی سکتی ہے۔

Massey superstar footballer Spanish court hearing in tax fraud case

http://www.express.pk/story/179895/


Page 1 of 1