Join Us On Facebook

Please Wait 10 Seconds...!!!Skip

پاکستانی مصنوعات کو امریکی منڈی تک رسائی دی جائیگی، رچرڈ اولسن

Published: Sep 28, 2013 Filed under: Latest Beats Views: 160 Tags: american, ambassedor, products, american, market, access, karachi, pakistani, expo, center, business
[+] [a] [-] Related Beats Comments

 پاکستان میں تعینات امریکی سفیر رچرڈ اولسن نے کہا ہے کہ امریکا پاکستانی مصنوعات کو امریکی منڈی تک رسائی کے لیے ہر ممکن تعاون فراہم کرے گا۔

گزشتہ روز کراچی ایکسپو سینٹر میں منعقدہ پاکستان ایکسپو کے دورے کے موقع پر امریکی سفیر کا کہنا تھا کہ اس تجارتی نمائش میں امریکا کی شرکت اس بات کا ثبوت ہے کہ امریکی حکومت دونوں ممالک کے درمیان تجارتی روابط کو فروغ دینے کے لیے کوشاں ہے۔ رچرڈ اولسن نے کہا کہ وہ پاکستانی تاجروں کو امریکی منڈیوں تک رسائی اور پاکستان میں امریکی سرمایہ کاری کے فروغ کیلیے اپنے تعاون کا یقین دلاتے ہیں۔

امریکی سفیر نے نمائش کا دورہ کیا اور منتظمین کی کوششوں کو سراہا، امریکی سفیررچرڈ اولسن اور ان کے وفد نے نمائش میں قائم امریکی پویلین بھی دیکھا، پویلین میں چھوٹے اور درمیانے درجے کے کاروبار، زراعت اور برآمدات سے متعلق یوایس ایڈ کے مختلف منصوبوں کے حوالے سے معلوماتی اسٹالز لگائے گئے تھے، نمائش میں امریکا کیلیے کاروباری ویزوں کے حصول کے بارے میں معلومات بھی فراہم کی گئیں۔

اس موقع پر ان کے ہمراہ کراچی میں متعین امریکی قونصل جنرل مائیکل ڈوڈمین، امریکی ادارہ برائے بین الاقوامی ترقی (یوایس ایڈ) کے مشن ڈائریکٹر گریگوری گاٹلیب اوردیگر اعلیٰ امریکی عہدیداروں بھی موجود تھے۔ میڈیا کے سوالات کا جواب دیتے ہوئے انہوں نے کہا کہ پاکستان اور بھارت کے سربراہان حکومت کی ملاقات کا خیرمقدم کرتے ہیں، دونوں ملکوں کو اپنے معاملات مذاکرات سے طے کرنا چاہیئں، پاکستان میں کی جانے والی امریکی سرمایہ کاری پاکستان کے عوام کے لیے ہے۔

http://www.express.pk/story/179964/

Post your comment

Your name:


Your comment:


Confirm:



* Please keep your comments clean. Max 400 chars.

Comments

Be the first to comment