Join Us On Facebook

Please Wait 10 Seconds...!!!Skip

میری اور ڈیانا کی محبت لازوال ہے انہیں ہر لمحہ ساتھ محسوس کرتا ہوں، ڈاکٹر حسنات

Published: Oct 7, 2013 Filed under: Latest Beats Views: 178 Tags: dr hasnat ahmad khan, Diana, Princess of Wales, relationship
[+] [a] [-] Related Beats Comments

آنجہانی برطانوی شہزادی ڈیانا کے سابق دوست ڈاکٹر حسنات کا کہنا ہے کہ ان کی اور ڈیانا کی محبت لازوال ہے،ان کی موت کو 17 سال بیت گئے ہیں لیکن اب بھی وہ انہیں بھلا نہیں پائے

غیر ملکی جریدے کو دیئے گئے انٹرویو میں ڈاکٹر حسنات نے کہا کہ ڈیانا آج بھی ہر پل ان کے ساتھ ہیں اور ان کی موت کے حوالے سے کسی سے بات کرنا ان کے لئے تکلیف کا باعث ہوتا ہے، آنجہانی  شہزادی فلاحی کاموں میں بہت زیادہ دلچسپی لیتی تھیں اور ان کی اسی عادت نے انہیں بھی اس جانب راغب کیا اور انہوں نے افریقا میں طبی مشن شروع کیا جو آج بھی جاری ہے۔ انہوں نے  کہا کہ وہ جب بھی غریب بچوں کا آپریشن کرتے ہیں تو ایسا محسوس ہوتا ہے کہ ڈیانا ان کا حوصلہ بڑھاتے ہوئے کہہ رہی ہیں کہ تم ان بچوں کی مدد کر کے بالکل ٹھیک کر رہے ہو۔

لیڈی ڈیانا کی زندگی سے متعلق بننے والی حالیہ فلم کے بارے میں  ڈاکٹر حسنات نے کہا کہ اس فلم کی کہانی میں کافی چیزیں سچائی پر مبنی نہیں ہیں، انہوں نے کہا کہ فلم کے برعکس ان کے اہل خانہ نے کبھی بھی ان دونوں کے رشتے پرانگلی نہیں اٹھائی۔ انہوں نے کہا کہ ان کے والدین اور دادا دادی ڈیانا کو پسند کرتے تھے اور ہمارے رشتے کے لئے رضامند تھے۔

واضح رہے کہ برطانوی نژاد پاکستانی ڈاکٹر حسنات اور لیڈی ڈیانا کے درمیان رومانس کئی برسوں تک چلا تھا اور اس حوالے سے کہا جاتا رہا ہے کہ لیڈی ڈیانا خود ڈاکٹر حسنات کے گھر والوں کو منانے لاہور آئی تھیں تاہم ناکامی پر وہ مصری نژاد تاجر دودی الفائد کے قریب آئیں اور ان ہی کے ہمراہ ایک کار حادثے میں ان کا انتقال ہوگیا

Post your comment

Your name:


Your comment:


Confirm:



* Please keep your comments clean. Max 400 chars.

Comments

Be the first to comment