Join Us On Facebook

Please Wait 10 Seconds...!!!Skip

حکومت کو زر تلافی کی شرط پر سی این جی فلنگ بزنس بند کرنے کی پیشکش

[+] [a] [-] Related Beats Comments

سی این جی اسٹیشنز مالکان نے حکومت کی جانب سے زر تلافی کی ادائیگی کی صورت میں ملک بھر میں سی این جی کا کاروبار بند کرنے کی پیشکش کردی ہے۔

سی این جی اسٹیشن اونرز ایسوسی ایشن کے چیئرمین ملک خدا بخش کے مطابق اسلام آباد سمیت پنجاب بھر میں 3 ماہ اور صوبہ سندھ میں ہفتے میں3 روز سی این جی اسٹیشنز کے لیے گیس بند کرنے سے بہتر ہے کہ حکومت سی این جی اسٹیشنز میں سرمایہ کاری کرنے والوں کو زرتلافی کی ادائیگی کرے جس کے بعد ملک بھر میں تمام سی این جی اسٹیشنز بند کر دیے جائیں گے اور حکومت اس کے نتیجے میں بچنے والی گیس سے ملک میں گیس کی قلت ختم کرنے کا شوق پورا کرلے۔ ملک خدا بخش کا کہنا تھا کہ سی این جی اسٹیشنز ملک بھر میں 400ایم ایم سی ایف گیس یومیہ استعمال کرتے ہیں۔

تاہم اس کے نتیجے میں حکومت کو پٹرول کی درآمد کی مد میں بچنے والے قیمتی زرمبادلہ کا شاید کوئی اندازہ نہیں۔ انھوں نے کہا کہ ملک کے غریب عوام کی اس قدر سکت نہیں کہ 113روپے لیٹر پٹرول خرید کر گاڑیوں میں ڈلوا سکیں، پنجاب میں 3 ماہ سی این جی اسٹیشنز کے لیے گیس فراہمی بند کرنے سے حکومت کو اس بات کا اندازہ ہوجائے گا کہ پٹرول کی درآمد، اسٹوریج اور ترسیل میں کیا مسائل درپیش ہونگے۔ ملک خدا بخش کا کہنا تھا کہ حکومت کے ان اقدامات کے باعث سرمایہ کاروں کا حکومتی پالیسیوں پر اعتماد مجروح ہوا ہے اور مستقبل میں مقامی و غیرملکی سرمایہ کار یہاں سرمایہ کاری سے قبل سو مرتبہ سوچیں گے۔

http://www.express.pk/story/184925/

Post your comment

Your name:


Your comment:


Confirm:



* Please keep your comments clean. Max 400 chars.

Comments

Be the first to comment