Join Us On Facebook

Please Wait 10 Seconds...!!!Skip

افغانستان میں آسٹریلوی فوجیوں کے قتل کا مبینہ ملزم پاکستان سے گرفتار

Published: Oct 2, 2013 Filed under: Latest Beats Views: 157 Tags: Afghanistan, Australia, australian army, murder
[+] [a] [-] Related Beats Comments
حکمت اللہ پر الزام ہے کہ اس نے گزشتہ سال افغانستان میں آسٹریلوی فوجیوں کو فائرنگ کرکے قتل کردیا تھا

افغانستان میں 3 آسٹریلوی فوجیوں کے قتل کے مبینہ ملزم سابق افغان فوجی کو پاکستان سے گرفتار کر لیا گیا ہے۔

آسٹریلیا کی ڈیفنس فورس کے سربراہ لیفٹیننٹ جنرل ڈیوڈ ہرلے کے مطابق حکمت اللہ نامی اس سابق افغان فوجی کو پاکستان کی خفیہ ایجنسی انٹرسروسز انٹیلی جنس (آئی ایس آئی) نے رواں سال کے آغاز میں گرفتار کیا تھا۔ جسے گزشتہ روز افغانستان منتقل کر دیا گیا ہے جہاں اس پر 3 افراد کے قتل کا مقدمہ چلایا جا سکتا ہے۔ لیفٹیننٹ جنرل ڈیوڈ ہرلے کا کہنا تھا کہ حکمت اللہ کی گرفتاری سے انہیں فروری میں ہی آگاہ کر دیا گیا تھا تاہم اس کی افغانستان منتقلی میں تاخیر انتظامی معاملات کی وجہ سے ہوئی۔

افغان فوجی حکمت اللہ پر الزام ہے کہ اس نے گزشتہ سال اگست میں افغانستان کے صوبہ ارزگان میں فوجی اڈے پر موجود 3 آسٹریلوی فوجیوں کو فائرنگ کرکے قتل کردیا تھا، اس واقعہ میں 2 آسٹریلوی فوجی زخمی بھی ہوئے ہوئے تھے۔

واضح رہے کہ افغانستان میں افغان فوجیوں کی جانب سے اتحادی افواج کے اہلکاروں پر حملوں میں 2012 میں بہت تیزی دیکھی گئی تھی۔ افغانستان میں آسٹریلیا کے 1550 فوجی موجود ہیں اور اب تک ان میں سے 7 افغان فوجیوں کے حملوں میں ہلاک ہوچکے ہیں

Post your comment

Your name:


Your comment:


Confirm:



* Please keep your comments clean. Max 400 chars.

Comments

Be the first to comment