پاکستان میں تعینات امریکی سفیررچرڈ اولسن نے کہا ہے کہ طالبان سے مذاکرات پاکستان کا اندرونی معاملہ ہے۔

امریکا وزیرستان کے لوگوں کیلیے زرعی پروگرام شروع کررہا ہےروزگار کے جتنے مواقع ہوں گے دہشت گردی اتنی کم ہوگی۔وہ جمعے کوکراچی میں انگلش اسپیکنگ یونین پاکستان(ای ایس یوپی) سے خطاب اور میڈیا سے گفتگو کر رہے تھے۔اس موقع پر ای ایس یو پی کے صدرعزیز میمن،سینئرنائب صدر بیرام ڈی آواری اور سیکریٹری جنرل ماجد عزیز بھی موجودتھے۔

امریکی سفیر نے کہا کہ امریکا پشاورمیں ہونے والے واقعے کی سخت مذمت کرتا ہے۔ خیبر پختونخوا اور فاٹا میں ترقیاتی کام کرارہے ہیں، فاٹا میں ایک پروجیکٹ شروع کررہے ہیں،جس سے ایک ہزار میگا واٹ بجلی کا اضافہ ہوگا۔ پاک بھارت تعلقات اورنواز شریف اور منموہن سنگھ کی ملاقات کے حوالے سے پوچھے گئے سوال پرانھوں نے کہاکہ ہم دونوں ہمسایہ ممالک کے بہترتعلقات کے خواہاں ہیں۔

http://www.express.pk/story/180125/

Post your comment

Your name:


Your comment:


Confirm:



* Please keep your comments clean. Max 400 chars.

Comments

Be the first to comment